भूमिअभिलेखचा लिपिक लाचलुचपतच्या जाळ्यात

bhumiabhilecha lipik jayat

नगर, जमिनीची मोजणी लवकर करून देण्यासाठी तक्रारदाराकडून दहा हजारांची लाच स्वीकारताना श्रीरामपूर येथील भूमिअभिलेख विभागातील लिपिकाला लाचलुचपत विभागाच्या पथकाने जागीच पकडले.
भूमिअभिलेख कार्यालयात शनिवारी सकाळी ही कारवाई झाली. बाबूराव यादवराव राशीनकर (वय 55, रा. श्रीरामपूर, छाननी लिपिक, भूमिअभिलेख कार्यालय, श्रीरामपूर) असे त्याचे नाव आहे. अधिक माहिती अशी ः तक्रारदाराची भोकर (ता. श्रीरामपूर) येथे जमीन आहे. तिची मोजणी लवकर करून देण्यासाठी लिपिक बाबूराव राशीनकर याने 22 हजार 500 रुपयांची मागणी केली. तडजोडीअंती दहा हजार रुपये देण्याचे ठरले. ही माहिती तक्रारदाराने लाचलुचपत प्रतिबंधक विभागाच्या पथकाला दिली. त्यानुसार पथकाने आज सकाळी श्रीरामपूर भूमिअभिलेख कार्यालयात सापळा लावून पंचांसमक्ष राशीनकर याला दहा हजार रुपयांची लाच स्वीकारताना पकडले. ही कारवाई उपअधीक्षक हरीश खेडकर, पोलिस निरीक्षक श्‍याम पवरे, दीपक करांडे, पोलिस कॉन्स्टेबल तन्वीर शेख यांच्या पथकाने केली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

भूमिअभिलेखचा लिपिक लाचलुचपतच्या जाळ्यात

Related Stories