मंगळवेढा : फटाक्यांच्या गोडाऊनमध्ये स्फोट

मंगळवेढा : सकाळ वृत्तसेवा तालुक्यातील भाळवणी येथील फटाके तयार करणाऱ्या सागर फायर वर्क्स या फटाके कारखान्याच्या गोडाऊनमध्ये आज सकाळी सात वाजून पन्नास मिनिटांच्या दरम्यान स्फोट होऊन कारखान्याचे कोट्यवधी रुपयांचे नुकसान झाले आहे.

स्फोटाचा आवाज इतका भयंकर होता की, शेजारील दहा किलोमीटर अंतरावर याचा आवाज ऐकून गेला. त्यामुळे या मोठ्या आवाजामुळे या परिसरातील मोबाईल धारकांकडून आवाज कशाचा याबाबत मोबाईलवर विचारणा होत होती.

दरम्यान यामध्ये जीवितहानी झाली नसल्याचे समजते. दक्षिण भागांमध्ये मजुरांना रोजगाराचे कोणतेही साधन नसल्यामुळे स्थानिक व परराज्यातील कामगारांना या धोकादायक व्यवसायात काम करावे लागत आहे. थोड्या वेळानंतर नुकसानीची आकडा स्पष्ट होणार आहे. स्फोटाच्या आवाजाने गोडाऊन सह लगतच्या काही घरांचे नुकसान झाले आहे.