सोलापूर : राज्यात शेतकऱ्यांच्या अडचणी, अपेक्षा जाणून घेऊन त्यावर ठोस उपाययोजना करण्याच्या उद्देशाने केंद्र स्तरावरील कृषी विषयक अभ्यास समिती 2015 नंतर आता 23 व 24 जानेवारीला महाराष्ट्र (नागपूर) दौऱ्यावर येत आहे. मात्र, ही समिती शेतकऱ्यांशी संवाद न साधता अन् प्रत्यक्ष बांधावर न जाता कार्यालयात बसूनच अधिकाऱ्यांशी चर्चा करुन परतणार आहे. 30 सदस्यीय समितीत महाराष्ट्रातील चार खासदारांचा समावेश आहे.
हेही आवश्य वाचा : अतिवृष्टीचे बाराशे कोटी गेले कुठे...नक्की वाचा
केंद्रीय कृषी विषयक अभ्यास समितीने राज्यातील शेतकऱ्यांशी संवाद साधावा, असे पत्र कृषी विभागाने समितीला दिले आहे. त्यानुसार पुणे, सोलापूर, कोल्हापूर, सांगली, नागपूर, अमरावती, नाशिक या जिल्ह्यांमधील सुमारे 30 शेतकऱ्यांची नावे समितीला कळविण्यात आली आहेत. मात्र, समितीने त्यावर अद्याप काहीच उत्तर दिले नसल्याचे कृषी विभागातील वरिष्ठ अधिकाऱ्यांनी सांगितले. या समितीत महाराष्ट्रातील खासदार अमोल कोल्हे, नारायण राणे, नवनीत राणा, विनायक राऊत यांचा समावेश असल्याची माहिती उपसंचालक डी. बी. पाटील यांनी सांगितले. ही समिती नागपूर कार्यालयात बसून पिकविम्याबाबत अधिकाऱ्यांशी चर्चा करणार असून अन्य विषयांवर काहीच चर्चा होणार नसल्याचे कृषी संचालक कार्यालयाकडून सांगण्यात आले.
हेही आवश्य वाचा : वैयक्तिक योजनांच्या लाभार्थींसाठी दिलासा...महाविकास आघाडी घेणार निर्णय
पाच वर्षातून एकदा समितीचा होतो दौरा
केंद्र सरकारची कृषी विषयक अभ्यास समिती 23 व 24 जानेवारीला महाराष्ट्र दौऱ्यावर येणार असून दर पाच वर्षातून एकदा या समितीकडून अभ्यास दौरा होतो. शेतकऱ्यांच्या अडचणी जाणून त्यावर ठोस उपाययोजना करण्याच्या दृष्टीने ही समिती महत्त्वाची असून पिकविम्याबाबत समिती चर्चा करणार आहे. नागपूर येथे बैठक होणार असून त्यानंतर समितीचे सदस्य संत्रा, कापूस संशोधन केंद्र व मृद सर्व्हेक्षण केंद्राची पाहणी करणार आहे.
- डी. बी. पाटील, सहसंचालक, कृषी
हेही नक्की वाचाच : अगोदर झेंडावंदन मग सोलापूर जिल्ह्याचे 'नियोजन'
समितीची ठळक वैशिष्ट्ये...
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.