चांदोलीत पर्यटकांच्या खिशाला कात्री, वन विभागाचे नवीन दर जाहीर; खासगी वाहनांच्या प्रवेशासाठीही अट

Chandoli National Park: निसर्गप्रेमींचे आवडते पर्यटनस्थळ असलेल्या चांदोली राष्ट्रीय उद्यानातील पर्यटन आता महागणार आहे. वन विभागाने पर्यटन शुल्कात वाढ करत नवीन दरपत्रक जाहीर केले असून ते तत्काळ लागू करण्यात आले आहे. यासोबतच शासकीय बससेवेसाठी किमान १० पर्यटकांची अट घालण्यात आली आहे. आवश्यक संख्या न झाल्यासच खासगी वाहनांना परवानगी दिली जाणार आहे.