शिवपुतळा विटंबना निषेधार्थ संकेश्वरला निषेध फेरी | Protest Rally | Sakal
sakal

बोलून बातमी शोधा

Protest Rally

शिवपुतळा विटंबना निषेधार्थ संकेश्वरला निषेध फेरी

संकेश्वर : बेंगळुर येथील शिवपुतळ्याची (Chhatrapati Shivaji Maharaj Statue) विटंबना करणाऱया समाजकंटकांना पोलिस खात्याने त्वरीत अटक करून कठोर शिक्षा करावी, अशी मागणी येथील शिवप्रेमी नागरिकानी शनिवारी (ता. १८) केली. येथील छत्रपती शिवाजी चौकात शहर व परिसरातील हजारो शिवप्रेमी नागरिकांनी जमून या घटनेचा निषेधाच्या (Protest) घोषणा दिल्या. तसेच प्रमुख मार्गावरून निषेध फेरी काढली. शिवाजी चौकात फेरीची सांगता करून सभा घेण्यात आली. यावेळी शिवरायांच्या पुतळ्याला दुग्धाभिषेक घालून विधीवत पूजन करण्यात आले.

यावेळी सुभाष कासारकर म्हणाले, राष्ट्रपुरुषांचा अवमान आम्ही कदापीही सहन करणार नाही. सबंधित समाजकंटकांना पोलिस खात्याने त्वरीत अटक करून शिक्षा ठोठवावी. अन्यथा आम्हालाच त्याचा शोध घेऊन शिक्षा करावी लागेल.

हेही वाचा: बेळगाव : पुतळा विटंबना निषेधार्थ सोमवारी निपाणी तालुका बंद

जयप्रकाश सावंत, अप्पासाहेब मोरे यांनीही आपले विचार मांडले. यावेळी माजी नगराध्यक्ष श्रीकांत हतनूरे, अॅड. विक्रम करनिंग, दीपक भिसे, ए. पी. चौगला, शाम यादव, समीर पाटील, महेश मिलके, नेताजी आगम, शिवपुत्र आरभावी, शिवानंद बरगे, पुष्पराज माने, युवराज मोरे, विवेक मोरे, मनोज देसाई, प्रकाश इंगळे, सुनील मोकाशी, सचिन मोकाशी, अविनाश नलवडे, गजू मोकाशी, संदीप दवडते, संदीप गोंधळी, गणेश यादव यांच्यासह परिसरातील हजारो शिवप्रेमी नागरिक उपस्थित होते.

हिटणी नाक्यावर ठिय्या

महाराष्ट्राच्या सीमेवर हिटणी नाक्यावर महाराष्ट्रातील शिवप्रेमी नागरिकांनी ठिय्या आंदोलन करून कर्नाटकातील वाहने रोखून धरण्यात आली. यावेळी अनुचित प्रकार होऊ नये, याकरिता चोख पोलिस बंदोबस्त ठेवण्यात आला होता.

Web Title: Chhatrapati Shivaji Maharaj Statue Protest Rally

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..