वारंवार पूर येऊ देणार नाही : मुख्यमंत्री ठाकरे यांची ग्वाही

सांगली (मौजे डिग्रज) : कोल्हापूर विमावतळावर मुख्यमंत्री यांचं आगमन झालं आहे. त्यानंतर ते मोटारीने सांगलीकडे (Sangli flood) रवाना झाले. दरम्यान भिलवडी आणि अंकलखोप येथे बोलताना उद्धव ठाकरे (CM Uddhav Thackeray) यांनी कोरानाचे संकट आहे. त्यामुळे शक्यतो गर्दी टाळा. मास्क वापला असे आवाहन त्यांनी केले आहे. पुरामुळे अनेकांचे नुकसान झाले आहे, घरे वाहून गेली आहेत. मात्र प्रशासन कुणालाही वाऱ्यावर सोडणार नाही असे आश्वासन त्यांनी यावेळी दिले आहे. (Sangli Latest News in Marathi)

कायमस्वरुपी तोडग्यासाठी कठोर निर्णय घ्यावा लागेल, नागरिकांची पुनर्वसनाची तयारी आहे का? असा सवाल मुख्यमंत्री उद्धव ठाकरे यांनी सांगलीतील भिलवडी नागरिकांना केला आहे. वारंवार पूर येऊ न देता कायमस्वरुपी यावर तोडगा काढणार असल्याचे त्यांनी सांगितले. पुर दरवर्षी येतो. मुख्यमंत्री, मंत्री दरवर्षी अशी पाहणी करणार, चौकशी करुन जाणार, असेच आयुष्य जगायचे का ? असा सवाल त्यांनी यावेळी अकंलखोपवासियांना केला आहे.

दरम्यान त्यांनी कसबे डिग्रज येथे पहाणी केली आहे. पुराच्या पाण्यात ही दोन्हा गावे पाण्याखाली होती. दरम्यान स्थानिकांनी त्यांना निवेदने दिली आहे. पुढे मुख्यमंत्री आयर्विन पुलावर पोचले असून त्यांना पूरस्थितीची माहिती व्हावी यासाठी विविध नकाशे तयार करण्यात आले आहेत. या पाहणीदरम्यान अधिकार्‍यांनी पुरावेळी नागरिकांना कसे स्थलांतरित केले, कोणत्या उपाययोजना केल्या याची माहिती दिली. यावेळी त्यांच्या समवेत कृषि राज्यमंत्री विश्वजीत कदम, मुख्य सचिव सीताराम कुंटे, जिल्हाधिकारी डॉ. अभिजित चौधरी आदी उपस्थित होते. पुढे मुख्यमंत्री हरभट रोडला रवाना झाले आहेत. तिथेही ते नागरिकांशी संवाद साधणार आहेत.