मुख्यमंत्री कोल्हापूर विमानतळावर दाखल; सांगलीच्या दिशेने रवाना

कोल्हापूर : मुख्यमंत्री उद्धव ठाकरे आज सांगली जिल्ह्याच्या दौऱ्यावर आहेत. त्यांचे कोल्हापूर विमानतळावर आगमन झाले आहे. दरम्यान सांगलीतील पूरग्रस्त भागांची आज ते पाहणी करणार आहेत. पूरग्रस्त भागातील लोकांशी संवाद साधणार आहेत. याशिवाय दौऱ्यादरम्यान या बाधित भागांचा आढावा घेणार असून सरकारकडून मदत जाहीर करणार आहेत. या पार्श्‍वभूमीवर सांगली जिल्ह्यात ठिकठिकाणी कडेकोट बंदोबस्त करण्यात आला आहे. श्वान पथकांच्या मदतीने छाननी करण्यात आली आहे. आज सांगली पोलिस प्रशासन आणि जिल्हा प्रशासनाकडून या आढावा संदर्भात योग्य ती खबरदारी घेण्यात आली आहे. दरम्यान थोड्याच वेळात मुख्यमंत्र्यांचे सांगलीतील भिलवडी, (ता. पलूस) येथे आगमन होणार आहे. पुरामुळे बाधीत झालेल्या भागांची पाहणी करुन ते नागरिकांशी संवाद साधणार आहेत.