esakal | रेकॉर्डवरील आरोपी पोलिसांच्या जाळ्यात; 10 लाखांचा मुद्देमाल जप्त I Crime News
sakal

बोलून बातमी शोधा

Crime

सांगली, सोलापूर जिल्ह्यात चोऱ्या करणारा रेकॉर्डवरील आरोपीला विटा पोलिसांनी पकडले.

रेकॉर्डवरील आरोपी पोलिसांच्या जाळ्यात; 10 लाखांचा मुद्देमाल जप्त

sakal_logo
By
दिलीप कोळी

विटा : सांगली, सोलापूर जिल्ह्यात चोऱ्या करणारा रेकॉर्डवरील आरोपीला विटा पोलिसांनी पकडले. सिताराम लक्ष्मण येडगे ( वय २८, रा. पानीव, ता. माळशिरस, जि. सोलापूर ) असे त्याचे नाव आहे. त्याच्या ताब्यातील दहा लाख बारा हजार रुपये किंमतीचे चोरीचे साहित्य जप्त केल्याचे पोलिस निरीक्षक संतोष डोके यांनी सांगितले.

हेही वाचा: हौसेला मोल नसतं; गायीच्या डोहाळे जेवणाची पंचक्रोशीत चर्चा

करंजे ( ता. खानापूर ) येथील शिवेच्या मळ्यातून घरासमोर लावलेला ट्रॅक्टर ४ ऑगस्ट २०२१ रोजी चोरी झाल्याची फिर्याद मारूती विठोबा माने ( करंजे ) यांनी विटा पोलिसात दिली होती. त्याचा तपास करत असताना खबऱ्याद्वारे माहिती मिळाली असता आरोपी येडगे याला विटा येथे ताब्यात घेण्यात आले. त्यास अटक केली. त्याच्याकडे अधिक चौकशी केली असता सांगली व सोलापूर जिल्ह्यात चो-या केल्याची कबुली दिली. त्याच्याकडून वेगवेगळ्या ठिकाणी चोऱ्या केलेला ३ लाख ३४ हजाराचा एक ट्रॅक्टर, ४ लाख ५८ हजार रूपयांचे सहा रोटर, ५५ हजाराचे एक औषध फवारणी करण्याचे यंत्र, ९९ हजाराचे स्टाईल फरशीचे ९९ बॉक्स, ५० हजार रुपये किंमतीचे एक टन लोखंडी अॅंगल, ४ हजार ५०० रुपयांची आठ सिमेंट पत्र्याची पाने व १२ हजाराचे आठ रंगाचे डबे असा १० लाख १२ हजार ५०० रूपयांचा मुद्देमाल जप्त करण्यात आला असून त्याच्यावर कवठेमहांकाळ, आटपाडी, सांगोला, विटा पोलिसात चोरीचे गुन्हे दाखल असल्याचे श्री. डोके यांनी सांगितले.

हेही वाचा: एकरकमी 'FRP' देऊन समरजितसिंहांनी केली कारखानदारांची कोंडी

ही कारवाई कारवाई पोलिस अधीक्षक दिक्षीत गेडाम, अप्पर पोलिस अधीक्षक मनिषा दुबुले, उपविभागीय पोलिस अधिकारी पद्मा कदम यांच्या मार्गदर्शनाखाली पोलिस निरीक्षक संतोष डोके, पोलिस उपनिरीक्षक जालिंदर जाधव, पांडुरंग कन्हेरे, रवींद्र धादवड, हणमंत लोहार, शशिकांत माळी, सुरेश भोसले, प्रदिप पाटील, शिवाजी हुबाले, संतोष घाडगे, महेश खिलारी, सुहास खुबीकर, सुधाकर पाटील, लक्ष्मण गुरव, महावीर कांबळे, तुकाराम नागराळे, राजेंद्र भिंगारदेवे, अमर सुर्यवंशी, रोहित पाटील, श्री. गुंडवाडे यांनी केली.

loading image
go to top