बेळगाव : खुल्या जागेच्या वादातून भाच्यावर गोळीबार करुन फरारी झालेल्या मामाला रविवार (9) काकती पोलिसांनी कलखांब येथून अटक केली आहे. त्याच्याकडून एसबीबीएल ही सिंगल बॅरलची शेती संरक्षण बंदूक जप्त केली आहे. खाचू मोनिंग तरळे (रा. आंबेवाडी ता.बेळगाव) असे संशयिताचे नाव आहे. जिल्हा रुग्णालयात वैद्यकिय तपासणी करुन न्यायालयासमोर हजर करण्यात आले असता त्याची रवानगा हिंडलगा कारागृहात करण्यात आली.
अमित बाबूराव पावले आणि त्याची पत्नी निता हे दोघे शनिवार (8) दुपारी तीनच्या सुमारास वादग्रस्त खुल्या जागेत थांबले होते. त्यावेळी खाचूने अक्षेप घेत येथे कशाला थांबला आहे. असे म्हणत अर्वाच्च शब्दात शिवीगाळ करण्यास सुरुवात केली. त्यावेळी अमितीने त्याला प्रत्यूत्तर दिल्याने रागाच्या भरात खाचूने त्याच्यावर बंदुकीने गोळी झाडली. गोळी अमितच्या खांद्याला लागल्याने तो गंभीर जखमी झाला.
त्यावेळी संशयिताची पत्नीने अमितच्या पत्नीला काठीने मारहाण केली. गोळीबार केल्यानंतर संशयिताने घटनास्थळारुन पलायन केले. या प्रकरणी काकती पोलिसांनी गुन्हा दाखल करुन घेउन संशयिताचा शोध चालविला होता. ग्रामीण उपविभागाचे सहाय्यक पोलीस आयुक्त के. शिवारेड्डी यांच्या नेतृत्वाखाली काकतीचे पोलीस निरीक्षक राघवेंद्र हळ्ळूर व त्यांच्या सहकाऱ्यांनी कलखांब येथून संशयिताला अटक केली.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
