संकेश्वर : येथील इलेक्ट्रीक अभियंते प्रसन्ना दयानंद केस्ती यांनी स्वतः विविध गाड्यांचे सुटे भाग वापरून प्रदूषणविरहित, हाताळण्यासाठी सोपी इलेक्ट्रीक मोटार (electric motar) बनविली आहे. पर्यावरणपूरक (eco friendly) व महागड्या पेट्रोलला पर्याय ही मोटार असेल, असे प्रसन्ना केस्ती यांनी सांगितले. केस्ती यांचे प्राथमिक, माध्यमिक व उच्च माध्यमिक शिक्षण येथील एस. एस. के. पाटील इंग्रजी माध्यम शाळेत पूर्ण झाले. त्यानंतर बेळगावच्या (belgaum) केएलई शिक्षण संस्थेतून अभियांत्रिकी पदवी घेतली. बेळगावात स्वतःचे इलेक्ट्रीक दुचाकी वाहनांचे शोरूम आहे.
सतत नवनवीन काहीतरी बनविण्याच्या ध्येयातून प्रसन्ना केस्ती यांनी इलेक्ट्रीक मोटार बनविली आहे. वर्षापूर्वी ४० हजार खर्चातून इलेक्ट्रिक दुचाकीही बनविली आहे. दोन युनिट विजेवर म्हणजे १२ रुपयांत ती ७० किमी धावते. सध्या दुचाकी वापरात आहे. मोटारीमध्ये सुधारणा करणार आहोत. त्यानंतर सामान्यांना वापरण्यायोग्य झाल्यास कंपनीशी कराराचा विचार असल्याचे केस्ती यांनी सांगितले.
तीन लाख खर्च
मोटार बनविण्यासाठी प्रसन्ना केस्ती यांना पाच महिन्यांचा कालावधी लागला. तीन लाख रुपये खर्च आला. या मोटारीची लांबी पाच फूट व रुंदी चार फूट आहे. चेसी मेटल तर बॉडी फायबरची आहे. बेळगावातून चेसी व आंध्र प्रदेशमधून बाॅडी बनवून आणून जोडली आहे. बुलेट, दुचाकीची चाके, जिपचे गिअर, इलेक्ट्रीक रिक्षाचे ब्रेक व १.३ अश्वशक्ती क्षमतेच्या पाच बॅटरींचा उपयोग मोटारीत केला आहे.
३० रुपयांत १०० किमी प्रवास
पेट्रोल व डिझेलचे दर वाढले आहेत. यामुळे सामान्यांच्या खिशाला चाट लागते. मात्र, ३० रुपये खर्चात पाच तास चार्जिंग केल्यास ही मोटार १०० किलोमीटर धावते. पर्यावरणपूरक व वापरण्यासाठी सुरक्षित अशा मोटारीत दोघांना बसता येते.
"सतत काहीतरी नवीन बनविण्याचा छंद आहे. त्यातूनच पर्यावरणपूरक व महागड्या पेट्रोलला पर्याय म्हणून बॅटरीवर चालणारी कार बनविली. प्रयोग यशस्वी झाल्याने उत्साह वाढला आहे. यापुढेही सामान्यांना परवडण्याच्या अनुषंगाने मोटारीत बदल करणार आहोत."
- प्रसन्ना केस्ती, इलेक्ट्रीक अभियंता, संकेश्वर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
