बेळगावातील बळ्ळारी नाल्याला पूर ; हजारो एकर शेती पाण्याखाली

बेळगाव : शहर आणि परीसरात पावसाचा जोर वाढल्याने बळ्ळारी नाल्याला पूर आला असुन हजारो एकर शेती पाण्याखाली गेली आहे. तसेच शिवारात पाणी वाढत असुन पिकांचे मोठ्‌या प्रमाणात नुकसान होण्याची शक्‍यता निर्माण झाली आहे. बळ्ळारी नाल्याचे पाणी यरमाळ रोड, केएलई रुग्णालय, धामणे रोड, प्रस्तावित बायपास रोडपर्यंत येऊन पोहचले आहे. त्यामुळे नाल्याला आलेला पुर पाहण्यासाठी वडगाव आणि परिसरातील नागरीकांनी बुधवारी दुपारपासुन गर्दी केली होती. 

मान्सुनला सुरुवात झाल्यापासुन शहर आणि परिसरात पावसाचा जोर कमी होता. त्यामुळे बळ्ळारी नाल्याला मोठ्‌या प्रमाणात पाणी आले नव्हते. त्यामुळे यावेळी भात पिक चांगल्या प्रकारे येईल अशी अपेक्षा शेतकरी वर्गातुन व्यक्‍त  केली जात होती.  रोप लागवडही योग्य वेळेत पार पडली होती. मात्र गेल्या दोन दिवसांपासुन अधिक प्रमाणात पाऊस पडत आहे.  शहर आणि परिसरातुन बळ्ळारी नाल्यात मोठ्‌या प्रमाणात पाणी येते. आणि नाल्याला दरवर्षी पुर येत आहे. तसेच बळ्ळारी नाल्याला पुर आल्यानंतर शिवारात शिरलेले पाणी लवकर कमी होत नाही त्यामुळे भात पिक कुजुन शेतकऱ्यांचे मोठे नुकसान होत आहे. 

हेही वाचा- मुसळधार पावसामुळे कोल्हापूर शहर तुंबले ; अनेक रस्ते वाहतुसीसाठी बंद

बळ्ळारी नाल्याचे पाणी यरमाळ रोड पासुन ते बायपाससाठी करण्यात आलेल्या सपाटीकरणापर्यंत पोहचले असुन पावसाचा जोर असाचा कायम राहिल्यास शिवारात अधिक प्रमाणात पाणी पसरण्याची भिती शेतकऱ्यांमधुन व्यक्‍त होत असुन दोन चार दिवसांपुर्वी ज्या शेतकऱ्यांनी रोप लागवड केली आहे. त्या शेतकऱ्यांना बळ्ळारी नाल्यातील पाण्याचा मोठा फटका सहन करावा लागणार आहे. तसेच बुधवारी अनगोळ, वडगाव, शहापूर, जुने बेळगाव, हलगा. बेळगाव, बसवन कुडची आदी भागातील भात पिके पाण्याखाली आहेत. त्यामुळे शेतकऱ्यांची चिंता वाढली असुन पावसाचा जोर कमी व्हावा अशी प्रार्थना शेतकऱ्यांमधुन होऊ लागली आहे. 

हेही वाचा-...तर कोल्हापूरातील खासगी रुग्णालयांचे परवाने होणार रद्द.... - 

जलपर्णी न काढल्यामुळेच बळ्ळारी नाल्याला पुर येत असुन सध्या आलेल्या पुराचे पाणी लवकर ओसरले तर कमी प्रमाणात नुकसान होणार आहे. अन्यथा गेल्यावर्षी प्रमाणेच यावेळी भात पिकांचे मोठे नुकसान होणार आहे. 
देवीदास चव्हाण पाटील, शेतकरी

संपादन - अर्चना बनगे