बेळगाव : उद्योजक आणि ठेकेदार जयशील शेट्टी यांच्या घरावर प्राप्तिकर खात्याच्या अधिकाऱ्यांनी छापा टाकला आहे. गोकाक तालुक्यातील घटप्रभा येथे असलेल्या त्यांच्या घरावर छापा टाकून अधिकाऱ्यांनी कागदपत्रांची तपासणी चालवली आहे. अचानक पडलेल्या प्राप्तिकर खात्याच्या छाप्यामुळे अनेकांचे धाबे दणाणले आहेत.
गोवा आणि बेळगाव येथील १६ जणांचा समावेश असलेल्या प्राप्तिकर खात्याच्या पथकाने हा छापा टाकला आहे. प्राप्तिकर खात्याच्या अधिकाऱ्यांनी शेट्टी यांचे व्यवहार, मालमत्ता तसेच प्राप्तीकर खात्याशी संबंधित असलेली कागदपत्रे तपासण्याचे काम हाती घेतले आहे. गुरुवार (७) सकाळी हा छापा टाकून सकाळपासून सायंकाळपर्यंत अधिकाऱ्यांनी विविध कागदपत्रे व दाखल्यांची तपासणी चालवली होती. त्याचप्रमाणे आज सकाळीही जयशील शेट्टी यांच्या घरात प्राप्तिकर खात्याच्या अधिकाऱ्यांनी कागदपत्रांची तपासणी चाललेली होती. कालपासून बंगळूरसह कर्नाटकात विविध ठिकाणी प्राप्तीकर खात्याच्यावतीने छापेमारी करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
