बेळगाव : आंतरराज्य वाहतूक सुरु राहणार | Sakal
sakal

बोलून बातमी शोधा

अश्वत्थ नारायण
बेळगाव : आंतरराज्य वाहतूक सुरु राहणार

बेळगाव : आंतरराज्य वाहतूक सुरु राहणार

बेळगाव : कोरोना आणि नवीन ओमिक्रॉन बाधितांच्या संख्येत वाढ झाली असली तरी आंतरराज्य वाहतूक बंद ठेवण्याचा कोणताही प्रस्ताव सरकारपुढे नाही, अशी माहिती उच्च शिक्षण मंत्री अश्वत्थ नारायण यांनी दिली. येथील एका कार्यक्रमानिमित्त बुधवारी (ता. ५) ते बेळगावला आले होते. यावेळी पत्रकारांशी ते बोलत होते. ज्यांना संसर्ग झाला आहे, त्यांना उपचार त्वरीत उपलब्ध करून देऊन संसर्ग नियंत्रणाखाली ठेवण्यासाठी प्राध्यान्य देत आहोत. पण, इतरांना त्याचा परिणाम होणार नाही, त्याची खबरदारी घेत आहे.(corona and omicron)

हेही वाचा: माईंच्या जाण्याने हजारोंचे मातृछत्र हरपले ; प्रभाकर देशमुख

आंतरराज्य वाहतूक व प्रवासासाठी सशर्त अनुमती कायम ठेवण्यात आलेली आहे. पण, आंतरराज्य वाहतूक आणि सेवा बंद ठेवण्यात येणार नाही. व्यत्यय उद्‍भवणार नाही आणि परिस्थिती बिघडू नये, त्यासाठी सरकारने १५ दिवसांचा कालावधी निश्‍तिच केला आहे. या दरम्यान विकेंड कर्फ्यूसह खबरदारी घेतल्या जात आहेत. संपूर्ण लॉकडाऊन रोखणे यामागील उद्देश आहे. कार्यालये, पब, बार व थिएटर इत्यादी ठिकाणी ५० टक्के क्षमता निश्‍चित केली आहे. प्रामुख्याने बंगळुरू जिल्ह्याची परिस्थिती सामान्य करण्याचा विचार आहे. त्यामुळे शाळा दोन आठवड्यांपासून बंद ठेवल्या आहेत. या व्यतिरिक्त १५ ते १८ वयोगटासाठी लसीकरण सुरु झाले आहे.(belgaum news)

हेही वाचा: ‘रॅलींना घाबरू नका; कोरोनाशी लढण्यासाठी पुरेशी संसाधने’

सर्व पातळीवर रोग नियंत्रणाखाली ठेवण्यासाठी पाऊल उचलले जात असल्याचे मंत्री अश्‍वत्थ यांनी सांगितले. वैद्यकीय महाविद्यालयांमध्ये प्राध्यापक आणि विद्यार्थ्यांना बूस्टर डोसही दिला जात आहे. परिस्थितीला तोंड देण्यासाठी सर्व ती सज्जता केली आहे, अशी माहिती त्यांनी दिली.

‘डी. के. ब्रदर्स’वर टीका

डी. के. ब्रदर्शकडून केवळ वर्चस्व आणि स्वार्थ साधण्यास प्राध्यान्य देत आहेत. पण, हे योग्य नाही. तुम्ही साधलेली प्रगती कामातून दिसावी. भागातील जनतेच्या अपेक्षा पूर्ण केल्या पाहिजेत. केवळ वर्चस्वासाठी दादागिरी, अंगावर धावून येणे ही चांगली लक्षणे नव्हेत, असा टोला मंत्री अश्वत्थ नारायण यांनी लगाविला.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top