Gopichand Padalkar : 'आता कोणालाही सुटी नाही, संघर्ष अटळ असेल'; भाजप आमदार गोपीचंद पडळकरांचा जयंत पाटलांना थेट इशारा

जत : जत तालुक्यातील जनतेच्या कष्टातून उभारलेला राजे विजयसिंह डफळे साखर कारखाना तत्कालीन अध्यक्ष-उपाध्यक्षांच्या मनमानीने दिवाळखोरीत निघाला. पुढे कवडीमोल किंमतीत विकला गेला. हा कारखाना सभासदांना परत मिळवून देण्यासाठी न्यायालयीन लढाई तर लढू. प्रसंगी रस्त्यावर उतरू. आता कोणालाही सुटी नाही, संघर्ष अटळ असेल, असे आव्हान आमदार गोपीचंद पडळकर (Gopichand Padalkar) यांनी आमदार जयंत पाटील यांचे नाव न घेता पत्रकार बैठकीत दिले.