Kadegaon's Historic Embrace: 150 Years of Interfaith Harmony and Towering TaziasSakal
पश्चिम महाराष्ट्र
Sangli Muharram: 'हिंदू-मुस्लिम ऐक्याची दीडशे वर्षांची परंपरा'; गगनचुंबी ताबुतांच्या कडेगावात गळाभेटी
Kadegaon's Historic Embrace: मोहरमनिमित्त सोहोली, निमसोड व शिवाजीनगर येथील मानकऱ्यांनी आज सकाळी पारंपरिक पद्धतीने वाद्यांच्या गजरात ताबुतांची पूजा केली. दुपारी बारा वाजता सातभाईंचा मानाचा ताबूत उचलण्यात आला.
-संतोष कणसे
कडेगाव : दीडशे वर्षांची हिंदू-मुस्लिम ऐक्याची ऐतिहासिक परंपरा असलेल्या येथील मोहरमनिमित्त आज गगनचुंबी ताबूत भेटीचा सोहळा झाला. डोळ्यांचे पारणे फेडणाऱ्या सोहळ्याला राज्यासह कर्नाटक सीमाभागातून सुमारे लाखांवर भाविकांनी उपस्थिती लावली. अलोट उत्साहात ताबूत भेटीवेळी उपस्थित भाविकांनी ‘दुला दुला’ व ‘मौला अली झिंदाबाद’ असा एकच जयघोष केला.