कर्नाटकात येण्यासाठी आरटीपीसीआरची सक्ती

बेळगाव : कर्नाटकात येणाऱ्यांसाठी आता आरटीपीसीआर चाचणीची सक्ती करण्यात आली आहे. यापूर्वी कोरोनाचे दोन्ही प्रतिबंध डोस किंवा ७२ तासांतील आरटीपीसीआर (रिव्हअर्स ट्रान्सक्रिप्‍शन पॉलिमर्स चेन रिॲक्शन) चाचणी अहवाल असल्यास प्रवेश मिळेल, असे जिल्हाधिकारी आर. वेंकटेश कुमार यांनी सोमवारी पत्रकारांशी बोलताना सांगितले होते. परंतु, मंगळवारी याबाबतचा सुधारीत आदेश उपलब्ध झाल्याचे त्यांनी दिली. त्यानुसार आता कर्नाटकात येण्यासाठी आरटीपीआर चाचणी अहवाल अंतिम असेल, असे दै. ‘सकाळ’शी बोलताना त्यांनी सांगितले.

कोरोनाच्या नवीन विषाणूबाबत प्रशासकीय पातळीवर खबरदारी म्हणून चेकपोस्टवर बंदोबस्त वाढविला आहे. तसेच केरळ वा महाराष्ट्र या राज्यातून येणाऱ्यांसाठी जिल्हाधिकारी वेंकटेशकुमार यांनी आरटीपीसीआर वा कोरोना प्रतिबंधचे दोन डोस घेतलेल्यांना कर्नाटकात प्रवेश मिळेल, असे स्पष्ट केले होते. पण, मंगळवारी या संदर्भामध्ये सुधारीत आदेश उपलब्ध झाल्याचे सांगितले. त्यात आरपीसीआर चाचणीचा अहवाल सक्तीचा करण्यात आला आहे. आरटीपीसीआर चाचणी अहवाल ७२ तासांपूर्वीचा नसावा, असे त्यांनी स्पष्ट केले आहे.

कर्नाटकात येणाऱ्यांसाठी दोन डोस किंवा आरटीपीसीआर चाचणी अहवालाची सक्ती करण्यात आली होती. त्याप्रमाणे मागील दोन दिवसांपासून प्रवाशांची ये जा सुरु होती. पण, काही नाक्यावर वाहनधारकांची अडवणूक सुरु होती. प्रवाशांना अडविण्यात येत होते. डोसऐवजी आरटीपीसीआरची विचारणा केली जात होती. त्यातून मतभेद, वादावादी वणि शाब्दीक चकमकही उडाली. या दरम्यान मंगळवारी सुधारीत आदेश जिल्हाधिकारी वेंकटेश कुमार यांनी बजाविला आहे.

त्यात कोरोनाचे दोन डोस घेतलेल्यांना कर्नाटकात प्रवेश देण्याबाबतचा निर्णय मागे घेतल्याचे कळविले असून, केवळ आरटीपीसीआर अहवाल उपलब्ध असलेल्यांना प्रवेश मिळेल, असे स्पष्ट केले आहे. यामुळे कर्नाटकामध्ये येण्यासाठी आरटीपीसीआर चाचणीची सक्ती परत लागू केली आहे. जिल्ह्यात कोविडच्या पार्श्‍वभूमीवर २३ चेकपोस्ट असून, कागवाड, शिनोळी आणि कोगनोळीत बंदोबस्त वाढविला आहे.

‘‘कोविडचे दोन डोस किंवा आरटीपीसीआर चाचणी केलेल्यांना कर्नाटकामध्ये प्रवेश होता. पण, याबाबत सुधारीत आदेश मंगळवारी बजाविण्यात आला असून, त्यात केवळ आरटीपीसीआर चाचणी अहवाल असलेल्यांना प्रवेश देण्याचा उल्लेख आहे. त्याप्रमाणे जिल्ह्यात अंमलबजावणी सुरु आहे. विनाचाचणी अहवाल प्रवेश न देण्याबाबत अधिकाऱ्यांना सूचना केल्या आहेत.’’

- आर. वेंकटेश कुमार, जिल्हाधिकारी