Kolhapur Ambabai Temple : मंदिर, रंकाळा, बाजारपेठा हाउसफुल्ल; श्री अंबाबाई दर्शनाला आलेल्या भाविकांनी शहर फुलून गेले

कोल्हापूर : करवीरनिवासिनी श्री अंबाबाई दर्शनाबरोबरच पर्यटनासाठी आलेल्या पर्यटकांमुळे शहर रविवारी गजबजले होते. मंदिर परिसर, बिंदू चौक, मिरजकर तिकटी, ताराबाई रोड तसेच छत्रपती शिवाजी महाराज चौकात पर्यटकांची भरपूर गर्दी झाली होती. .पार्किंगही फुल्ल झाली होती. दिवसभरात तब्बल एक लाख ९३ हजार ४३८ भाविकांनी तर दोन दिवसात साडेतीन लाख भाविकांनी अंबाबाईचे दर्शन घेतले. शनिवार, रविवार सुटीचा दिवस पाहून पर्यटनासाठी तसेच देवदर्शनासाठी पर्यटक बाहेर पडले होते. .Ambabai Devi Darshan : अंबाबाई देवीच्या मूळ मूर्तीची संवर्धन प्रक्रिया पूर्ण; उद्यापासून दर्शन सुरू.शहरातील विविध भागांतील रस्त्यांवर पर्यटकांची वाहने दिसत होती. बिंदू चौक, ताराबाई रोड या परिसरात वाहनांची भरपूर गर्दी झाली होती. पूर्ण रस्त्यावर वाहनांची रांग लागल्याचे चित्र होते. भवानी मंडप परिसर तसेच भवानी मंडप ते बिंदू चौकापर्यंतचा रस्ता वाहने तसेच पायी जाणाऱ्या पर्यटकांमुळे गजबजून गेला होता. .जोतिबा दर्शन तसेच तिरुपती दर्शन करून आलेल्या भाविकांची मोठी संख्या दिसत होती. कुटुंबीय तसेच मित्र परिवार गटागटांने येत होते. मंदिरात दर्शनासाठीही मोठी रांग होती. बिंदू चौक ते दसरा चौक या रस्त्यावर दिवसभर पर्यटक, त्यांची वाहनेच होती. .Kolhapur : अंबाबाई आणि जोतिबा मंदिरात ड्रेस कोड लागू, पश्चिम महाराष्ट्र देवस्थान समितीचा मोठा निर्णय.दसरा चौकातील पार्किंगही फुल्ल झाले होते. महापालिका निवडणुकांचे वातावरण झाले असल्याने अनेक इच्छुकांनीही देवदर्शनासाठी मतदारांची व्यवस्था केली होती. अनेकांची फलक लावलेली वाहने पार्किंगमध्ये होती. .पर्यटकांना भवानी मंडपाजवळ सोडून वाहनचालकांनी विविध पार्किंग तसेच विविध रस्त्यांवर वाहने उभी केली होती. दर्शन करून आल्यानंतर परत जाण्यासाठी वाहनांची वाट पहात बसलेल्या पर्यटकांनी बिंदू चौक भरून गेला होता. .अनेक ठिकाणची पार्किंग फुल्ल झाली होती. वातावरण कुल; भरदुपारी रंकाळा हाउसफुल्ल थंडी वाढली असल्याने उन्हाचा त्रास होत नव्हता. त्यामुळे भरदुपारी रंकाळा तलावावर पर्यटकांची संख्या लक्षणीय होती. .चौपाटीवर खाद्यपदार्थांचा आस्वाद घेत बोटिंग करणारेही दिसत होते. महाद्वार रोड, गुजरी, जोतिबा रोड, ताराबाई रोड, चप्पल लाईन येथे विविध साहित्य खरेदी करतानाही पर्यटक दिसत होते. अनेक पर्यटकांची पावले कोल्हापुरी तांबडा-पांढरा खाण्यासाठी वळली होती. त्यामुळे अनेक हॉटेलही गर्दीने ओसंडून वाहत होती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.