कोल्हापूर : भारतीय जनता पक्षाचे काम वर्षानुवर्षे केले आहे. लोकांमध्ये संपर्कही आहे. निवडणूक लढविण्याची तयारी केली आहे. आता तुम्ही उमेदवारी तेवढी द्या, अशी मागणी भाजपकडून इच्छुक असणाऱ्यांनी केली..आज पक्षाच्या कार्यालयात महापालिका निवडणूक लढवण्यासाठी इच्छुक उमेदवारांच्या मुलाखती झाल्या. खासदार धनंजय महाडिक, प्रदेश सचिव महेश जाधव, जिल्हाध्यक्ष विजय जाधव यांनी मुलाखती घेतल्या. सुमारे ३०० जणांनी मुलाखत दिली असून, रात्री उशिरापर्यंत मुलाखत घेणे सुरू होते..पक्षाकडून इच्छुकांना कार्यालयामध्ये अर्ज देण्याचे आवाहन करण्यात आले होते. यामध्ये सुमारे ३५० पेक्षा जास्त इच्छुकांचे अर्ज पक्षाकडे जमा झाले. आज या इच्छुकांच्या मुलाखती घेण्यात आल्या. सकाळी १० वाजता मुलाखत घेण्यास सुरुवात झाली. ‘तुम्ही पक्षाचे काम किती वर्षे करता, प्रभागामध्ये तुमचा जनसंपर्क किती आहे, सध्या जनसंपर्क वाढवण्यासाठी काय करता, सोशल मीडियाचा वापर कसा करता, प्रभागात तुमच्यासोबत कोणाला उमेदवारी दिली तर योग्य होईल?, असे प्रश्न नेत्यांनी विचारले. .Municipal Election : कुठेही जाऊ, पण उमेदवार राहू! बंडखोरीचीही जय्यत तयारी; अनेक प्रभागांत दहापेक्षा जास्त इच्छुक.त्यावर इच्छुकांनी चांगली उत्तरे दिली. ‘आम्ही पक्षाचे वर्षानुवर्षे काम करत आहोत. पक्षाने जे दायित्व दिले तर पूर्ण केले. लोकसभा आणि विधानसभेच्या निवडणुकीतही आम्ही महायुतीचे काम केले. आता आम्हाला नेतृत्व करण्याची संधी द्या,’ अशी विनंती इच्छुकांनी केली..राष्ट्रवादीबरोबर युती नकोशहरातील काही प्रभागांमध्ये राष्ट्रवादी काँग्रेस (अजित पवार गट) पक्षाच्या उमेदवारांमुळे भाजप कार्यकर्त्यांना संधी मिळणार नाही. त्यामुळे राष्ट्रवादी काँग्रेससोबत युती नको, अशी भूमिका इच्छुकांनी मांडली..Nashik Municipal Election : नाशिक महापालिका निवडणुकीसाठी राजकीय आखाडा तयार; शिवसेना, भाजप, मनसे, राष्ट्रवादीची जोरदार तयारी!.प्लॅन बी तयार ठेवा...भाजपच्या काही माजी नगरसेवकांच्या प्रभागात महायुतीमुळे अडचण निर्माण झाली आहे. त्यामुळे त्यांना अन्य प्रभाग पाहावे लागणार आहेत किंवा निवडणुकीतून माघार घ्यावी लागणार आहे. अशा माजी नगरसेवकांना खासदार धनंजय महाडिक यांनी सबुरीचा सल्ला दिला. ते म्हणाले, ‘तुम्ही काळजी करू नका. तुमच्यासाठी आम्ही आग्रही आहोत. पण, गरज पडली तर अन्य प्रभागांचा विचारही करा. प्लॅन बी तयार ठेवा.’ .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
