इचलकरंजी : कबनूर (ता.हातकणंगले) येथे रेकॉर्डवरील गुन्हेगार वैभव पुजारी खुनी हल्ल्याप्रकरणी मुख्य संशयित विजय ऊर्फ बंडा सर्जेराव शिंदे (वय ४२, रा. शिंदे गल्ली, दानोळी, ता. शिरोळ) याला शिवाजीनगर पोलिसांनी अटक केली. फिल्मीस्टाईलने पाठलाग करत त्याला ताब्यात घेताना झालेल्या झटापटीत तीन पोलिस कर्मचारी जखमी झाले. पोलिसांनी जखमी अवस्थेत असतानाही त्याला ताब्यात घेऊन पोलिस ठाण्यात आणले.