कोल्हापूर : छत्रपती घराण्यातील व्यक्तीचे काम पेटवणे नाही तर न्याय देणे आहे. आणि ताकतच पहायची असेल तर योग्य वेळी ती दाखवू. असे ट्विट करत राणे कुटुंबीयावर(Rane Family) छत्रपती संभाजीराजे (chatrapati sambhaji raje) यांनी निशाना साधला. खासदार छत्रपती संभाजी राजे मराठा आरक्षणासाठी (maratha reservation)राजकीय पक्षांच्या नेत्यांच्या गाठीभेटी घेत आहेत. या भेटीवरून राणे कुटुंबीय त्यांच्यावर टीका करत आहेत. माजी मुख्यमंत्री नारायण राणे यांनी हे कसले राजे आहेत असा सवाल पुण्यात पत्रकारांशी बोलताना केला होता. याला छत्रपती संभाजीराजे यांनी वरील प्रमाणे प्रत्युत्तर दिले आहे.(chatrapati-sambhaji-raje-crtisism-on-rane-family-maratha-reservation-kolhapur-news)
राणे यांनी टीका करताना म्हटले होते की, रयतेने त्यांच्याकडे जायचे तर, हेच रायतेकडे जातात. त्यांच्या मागे किंवा आजूबाजूला कोणी नसते.समाजाला ते राजे वाटत नाहीत. भाजपने स्वतः त्यांना खासदारकी दिली. परंतु, आता तिची मुदत संपत आल्यामुळे त्यांच्या अशा ते गाठीभेटी करत आहेत.
संभाजी राजांच्या डोक्यात वेगळेच चालले आहे.अशा प्रकारची टीका माजी खासदार निलेश राणे यांनी केली होती. आमदार नितेश राणे यांनीही संभाजीराजांच्या सध्याच्या धोरणावर नाराजी व्यक्त करत टोले लगावले होते होते.
ताकद दाखविण्यासाठी लोकांचे जीव घेणे योग्य नाही त्यापेक्षा लोकांचे जीव कसे सुरक्षित ठेवता येतील हे महत्त्वाचे आहे, कारण माझा वारसा शिवशाहूंच्या विचारांचा आहे. असेही त्यांनी ट्विट मध्ये नमूद केले आहे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.