Lung Surgery In Kolhapur : भूल न देता फुफ्फुसाची अत्यंत अवघड शस्त्रक्रिया सीपीआरमध्ये यशस्वी, देशात पहिल्यांदाच श्वासनलिका जोडल्याची माहिती

CPR Hospital Medical Achievement : सीपीआर रुग्णालयाच्या हृदयशस्त्रक्रिया विभागात एका तरुणाच्या फुफ्फुसावर अत्यंत अवघड व गुंतागुंतीची शस्त्रक्रिया यशस्वी करण्यात आली. भूल देणे अथवा व्हेंटिलेटर लावणे अशक्य असताना ‘हार्ट-लंग मशीन’च्या साहाय्याने फुफ्फुसातील तुटलेली श्वासनलिका जोडण्याची ही शस्त्रक्रिया देशात पहिल्यांदाच करण्यात आल्याचा दावा राजर्षी शाहू महाराज शासकीय वैद्यकीय महाविद्यालय व रुग्णालयाचे अधिष्ठाता व हृदयशस्त्रक्रियातज्ज्ञ डॉ. सदानंद भिसे यांनी पत्रकार परिषदेत केला.