कोल्हापूर : नवे कनेक्‍शन देताना ग्राहक महावितरणला सेवा मूल्य देतो; मात्र महावितरणचे अधिकारी मीटर, वायर व अन्य साधने स्वखर्चाने आणायला लावतात. सेवा मूल्य घेऊनही सेवा न देणे हा भ्रष्टाचार असून महावितरणचे वरिष्ठ अधिकारीही याला जबाबदार आहेत, असा आरोप वीज बिल भरणार नाही कृती समितीने केला. आज त्यांनी आपल्या मागणीचे निवेदन महावितरणचे मुख्य अभियंता प्रभाकर निर्मळे यांना दिले. समिती नेमून आरोपाची चौकशी करू असे आश्‍वासन निर्मळे यांनी दिले.
कृती समितीच्या निवेदनातील माहितीनुसार, महावितरणकडे ग्राहकाने कनेक्‍शनसाठी अर्ज केल्यावर त्यांना कोटेशन दिले जाते. या कोटेशनमध्ये सर्व्हीस कनेक्‍शन चार्जेस नमूद केलेले असतात. सेवा मूल्य घेतल्यानंतर खांबावरून ग्राहकाच्या घरापर्यंत वीज पोहोचवण्याचे काम महावितरणचे आहे. मात्र तसे न होता मीटर, वायर अन्य साहित्य उपलब्ध नाही असे सांगून या वस्तू ग्राहकांनाच आणायला लावतात.
१ एप्रिलपासून २०१९ कंपनीने व वीज कनेक्‍शनसाठी नेमलेल्या कॉट्रॅक्‍टरने सेवा मूल्य घेऊनही ग्राहकांना साहित्य आणण्यास सांगितले आहे. यामध्ये लाखो रुपयांचा भ्रष्टाचार आहे. समिती नेमून याची चौकशी करावी. यावर कृती समितीचे दोन सदस्य आणि दोन अधिकारी अशी समिती नेमून आरोपांची चौकशी करण्याचे आश्‍वासन निर्मळे यांनी दिले. बाबा पार्टे, ॲड. बाबा इंदूलकर, श्रीनिवास साळेखे, जयकुमार शिंदे, दिलीप देसाई, अशोक भंडारी, दुर्गेश लिंग्रस, बापू जाधव यांच्यासह कृती समितीचे कार्यकर्ते उपस्थित होते.
कोटेशन मराठीत द्या
बाबा इंदुलकर म्हणाले, ‘‘महावितरण ग्राहकाला जे कोटेशन देते ते मराठीतून दिले पाहिजे. ते महावितरणला बंधनकारक आहे. सध्या ते इंग्रजीमधून दिले जाते.’’
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.