कोल्हापूर : मिनी बसची मोटारसायकलला किरकोळ धडक बसली. तशी अज्ञाताने बसच्या काचा फोडल्या. पण हे कृत्य मोटारसायकलस्वारानेच केले या गैरसमजातून त्याला बेदम मारहाण केली. त्यामुळे सावित्रीबाई फुले हॉस्पीटल चौक परिसरात दुपारी तणाव निर्माण झाला होता.
याबाबत घटनास्थळावरू मिळालेली माहिती, मिनीबस चालक आज दुपारी यादवनगर परिसरात प्रवाशांना सोडून सावित्रीबाई हॉस्पीटल चौकातून पुढे जात होती. दरम्यान पुढील एका मोटारसायकलस्वाराला बसची किरकोळ धडक बसली. त्यात मोटारसायकलची नंबर प्लेट तुटली. दरम्यान एका अज्ञाताने बसची दगडाने तोडफोड केली. तसे परिसरातील नागरिक जमा झाले. त्यांना हे कृत्य मोटारसायकलस्वाराने केल्याचा गैरसमज झाला. यातून त्यांनी त्याला मारहाण केली. तसा तणाव निर्माण झाला. त्यामुळे रहदारीने गजबलेल्या या चौकात वाहतुकीची कोंडी झाली. दरम्यान याची माहिती पोलिसांना मिळाली. पोलिसांनी घटनास्थळी धाव घेऊन परिस्थिती नियंत्रणात आणली.
संपादन - स्नेहल कदम
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.