कोल्हापूर : शिवाजी विद्यापीठाचे 13 वे कुलगुरू म्हणून माजी प्र-कुलगुरू डॉ. दिगंबर तुकाराम उर्फ डि.टी.शिर्के यांची निवड झाली. आज सायंकाळी 5 वाजता कुलपती कार्यालयाकडून याबाबतची अधिकृत घोषणा करण्यात आली.
शिवाजी विद्यापीठाचे माजी कुलगुरू डॉ. देवानंद शिंदे यांचा कार्यकाळ 17 जूनला संपला. सावित्रीबाई फुले पुणे विद्यापीठाचे कुलगुरु डॉ. नितीन करमळकर यांचेकडे विद्यापीठाच्या कुलगुरुपदाचा अतिरिक्त कार्यभार सोपविण्यात आला होता. त्यानंतर विद्यापीठाचे चार जणांची शोध समिती नेमली होती. आलेल्या 169 अर्जातून 28 जणांची पहिली यादी करण्यात आली. त्यानंतर शोध समितीने यांच्या मुलाखती घेतल्या. त्यातून पाच जणांची अंतिम यादी बनवण्यात आली.
हेही वाचा - होय! बंगाली समाज सावरतोय!
कुलपती भगतसिंह कोश्‍यारी यांनी या पाच जणांच्या मुलाखती सोमवारी (12) घेतल्या. आज सायंकाळी त्यांनी डॉ. शिर्के यांची निवड जाहीर केली. शिर्के हे मुळचे हातकणंगले तालुक्‍यातील वाठार तर्फे वडगाव येथील आहेत. त्यांनी शिवाजी विद्यापीठातून संख्याशास्त्र विषयात एम.एस.सी केले. त्यानंतर त्यांनी याच विद्यापीठातून एम.फील आणि पी.एचडी केली. त्यानंतर ते याच विभागात प्राध्यापक म्हणून रुजू झाले. विभागप्रमूख, प्रभारी कुलसचिव, प्र-कुलगुरू या पदांवर त्यांनी काम केले आहे.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.