कोल्हापूर जिल्ह्यात ई-पासची सक्ती कायम ; काय आहे कारण?

कोल्हापूर : एका जिल्ह्यातून किंवा एका राज्यातून दुसऱ्या राज्यात जाण्यासाठी सुरु असणारे ई-पास रद्द करण्याच्या सूचना केंद्रीय गृहसचिवांनी दिले आहेत. मात्र, राज्यात अजून या निर्णयाची अमंलबजावणी झालेली नाही. त्यामुळे सध्या तरी एका-जिल्ह्यातून दुसऱ्या जिल्ह्यात जाण्यासाठी खासगी वाहनांना ई-पास सक्तीचाच आहे. 

हेही वाचा - ते साठजण लढले आणि जिंकले सुध्दा !... पोलीस योद्धे पुन्हा सेवेत रुजु

राज्यातील आणि परराज्यातील प्रवासासाठी ई-पास घेतला जात होता. लोकांना एका राज्यातून दुसऱ्या राज्यात किंवा एका जिल्ह्यातून दुसऱ्या जिल्ह्यात जाण्यासाठी ई-पास सक्तीचा केला आहे. दरम्यान, काल गृहसचिवांनी हे सर्व ई पास रद्द करण्याच्या सूचना दिल्या आहे. त्यामुळे, कोल्हापूर जिल्ह्यातही ई-पास रद्द झाले. एका जिल्ह्यातून दुसऱ्या जिल्ह्यात जाता येणार, अशी पोस्ट सोशलमिडियावर पोस्ट व्हायरल झाल्या आहेत. 

आजही या पोस्ट अविरतपणे मोबाईलच्या अलर्ट टोन वाजवत आहेत. दरम्यान, महाराष्ट्र शासनाने सध्या तरी ई-पास रद्द केलेला नाहीत. त्यामुळे एस.टी. बस वगळता इतर खासगी वाहनांना ई-पास अजूनही सक्तीचाच आहे. काल रात्री उशीरापर्यंत आणि आज सकाळीही ई-पास रद्दच्या सूचना जिल्हा प्रशासनाकडे आलेल्या नाहीत. 

हेही वाचा -  गणेशोत्सवात मटकेवाले,  अवैध व्यावसायिकांच्या छबीही पडद्याआड..

अद्याप सुचना नाहीत 

"राज्य शासनाकडून ई-पास रद्दच्या कोणत्याही सूचना जिल्हा प्रशासनाकडे आलेल्या नाहीत. त्यामुळे सध्या तरी ई-पास सुरुच राहतील. ज्यावेळी ई-पास सुचना येतील त्यावेळी, याची माहिती दिली जाईल."

- जिल्हाधिकारी दौलत देसाई, कोल्हापूर 

संपादन - स्नेहल कदम