इचलकरंजी : आयजीएम रुग्णालयात (IGM hospital) हायफ्लो मशीनला अचानकपणे आग लागली. या घटनेत हायफ्लो मशीन (highflow machine) जळून खाक झाले. या माशीनवरील उपचार सुरू असणाऱ्या बाधित रुग्णाला त्वरित जम्बो सिलिंडरच्या साहाय्याने ऑक्सिजन (oxygen) देऊन सुखरूप स्थळी हलवले. दुपारी बाराच्या सुमारास ही आग लागली. या मशीनच्या जळण्याने संपूर्ण आयसीयू युनिटमध्ये (ICU unit) धुराचे लोट पसरले होते. सुरक्षारक्षक व परिचारिका यांच्या प्रयत्नांमुळे आयसीयू युनिट पूर्वस्थितीत आणले. मात्र या घटनेने आयजीएम रुग्णालयात भीतीचे वातावरण पसरले होते.
कोरोनाच्या (covid-19) भयावह कालावधीत मंगळवारी सकाळी साडेबारा वाजण्याच्या सुमारास आयजीएम रुग्णालयामध्ये आग लागण्याची घटना घडली. आयसीयूमधील बाधित रुग्णावर ऑक्सिजन पुरवठा करणाऱ्या हायफ्लो मशीनला आग लागली. हे मशीन जागीच जळून खाक झाले. अग्निरोधकाच्या मदतीने आग आटोक्यात आणली. त्वरित रुग्णावर अन्य सिलेंडरच्या मदतीने ऑक्सिजन पुरवठा देण्यात आला. मशीन जाळून धुराचे लोट आयसीयूमध्ये पसरले. आगीचे नेमके कारण समजू शकले नाही. घटनास्थळी विद्युत कर्मचारी दाखल झाले असून विद्युत जोडणीची तपासणी सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
