कोल्हापूर : धाऊरवाडा (ता. शाहूवाडी) येथील धोपेश्वर मंदिरापासून दोन किलोमीटरवर जंगली व इतर वृक्षांची बेकायदेशीर तोड करण्यात आली आहे. यात सुमारे दहा ते पंधरा ट्रक कापलेली झाडे आहेत.
शाहूवाडी तालुक्यात बेसुमार वृक्षतोड झाली आहे. ही वृक्षतोड कोणी केली, याबाबत शंका व्यक्त केली जात आहे. यात विविध प्रकारची झाडे आहेत. ही वृक्ष वन विभागातील आहेत की खासगी आहेत, याचा छडा लागलेला नाही. खासगी असतील तर त्याची परवानगी घेतली होती का? वन विभागाची असतील तर यावर वन विभागाचा कोणत्याही प्रकारचा शिक्का नाही. अशा पद्धतीने सुमारे दहा ते पंधरा ट्रक भरतील एवढी वृक्षसंपदा तोडून रस्त्याकडेला टाकलेली आहे. तीन झाडांचे डेपो मारून ठेवले आहेत. ही झाडे काही दिवसांपूर्वीच कापली आहेत. एवढ्या मोठ्या प्रमाणात असणारी ही झाडे कोणाची आहेत, ही वृक्षतोड करण्यासाठी कोणी परवानगी दिली, ही माहिती गुलदस्त्यात आहे. त्यामुळे, वन विभाग ही वृक्षतोड कोणी केली, याला परवानगी कोणी दिली याचा छडा लावणार का, असा सवाल केला जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
