पोलिस कॉन्स्टेबलचा कोरोनाने कोल्हापूरात मृत्यू

कोल्हापूर :  कोरोनाने जिल्ह्यातील पहिल्या पोलिस कर्मचाऱ्याचा बळी गेला. शिरोली एमआयडीसी पोलिस ठाण्यातील हेड पोलिस कॉन्स्टेबल संजित विलास जगताप (वय 49, रा. श्री कॉलनी लाईन बजार) यांचा बुधवारी रात्री उपचार सुरू असताना मृत्यू झाला. 

कोरोना संकटाचा मुकाबला करण्यासाठी मार्च महिन्यापासून पोलिस रस्त्यावर उतरून अव्याहत बंदोबस्त बाजवत आहेत. लॉकडाऊनमध्ये शिथिलता दिल्यानंतर गुन्ह्यांच्या प्रमाणावत वाढ होऊ लागली. दैनदिन काम, गुन्ह्यांचा तपासाबरोबर कोरोनाचा बंदोबस्त असा कामाचा ताण सध्या पोलिसांवर आहे. कर्तव्य बजावताना त्यांचा अनेकांशी संपर्क येत असल्याने आता पर्यंत जिल्ह्यातील पोलिस अधिकारी व कर्मचारी अशा 180 जणांना कोरोनाची बाधा झाली.

हेही वाचा- जिल्हाधिकाऱ्यांनी केली पोस्ट :  माझ्याच कुटुंबातील हजारो लोक कोरोनाग्रस्त अन् 

शिरोली एमआयडीसी पोलिस ठाण्यात पोलिस हेड कॉन्स्टेबल म्हणून संजित जगताप हे कार्यरत होते. त्यांना कोरोना योद्धाची भूमिका बजावताना कोरोनाची बाधा झाली. त्यामुळे त्यांना 25 ऑगस्टला त्यांना उपचारासाठी दाखल करण्यात आले होते. बुधवारी रात्री दहाच्या सुमारास त्यांचा मृत्यू झाल्याची माहिती घोडावत इन्स्टिट्यूट येथील वैद्यकीय अधिकाऱ्यांनी दिली. त्याला पोलिस अधीक्षक डॉ. अभिनव देशमुख यांनीही दुजोरा दिला. ते 1989 मध्ये सोलापुरातून पोलिस भरती झाले होते. 1993-94 ते कोल्हापूर जिल्ह्यात बदली होऊन आले. त्यांनी यापूर्वी हातकणंगले, गोकुळ शिरगाव पोलिस ठाण्यात कर्तव्य बजावले होत. त्यांच्या मागे आई, वडील, पत्नी, मुलगी, मुलगा असा परिवार आहे. 

हेही वाचा- कोल्हापुरातील आमचं ठरलयला मोठी मान्यता -

जिल्ह्यातील बाधित पोलिस - 180 
कोरोनातून मुक्त - 130 
सध्या उपाचार घेणारे पोलिस - 50 

संपादन - अर्चना बनगे