हॉटेल व्यवसाय सुरू करायचे आहे पण या आहेत अडचणी

कोल्हापूर : शासनाने पाच तारखेला हॉटेल सुरू करण्यासाठी परवानगी दिली आहे. परंतु हॉटेल साठी आवश्यक असणाऱ्या वेटर व्यवस्थापन आणि किचन स्टाफ यांच्या उपलब्धते शिवाय होटेल सुरू करणे अशक्य आहे. त्यामुळे पूर्ण क्षमतेने हॉटेल उद्या सुरू होऊ शकणार नाहीत.

प्रशासनाच्या सर्व गाईडलाईन चे पालन करण्याकरिता आवश्यक तो वेळ हॉटेल चालकांना मिळणे आवश्यक आहे.  त्याचबरोबर हॉटेलच्या बैठक व्यवस्थेत  सोशल डिस्टन्स पाळणे  ही मोठी अडचण निर्माण होणार आहे.ग्राहक आणि कर्मचारी यांच्या आरोग्य रक्षणाच्या सर्व बाबींची पूर्तता करूनच  शहरातील हॉटेल व्यवसाय सुरू होतील. असा निर्णय आज हॉटेल मालक संघटनेच्या होटेल पॅव्हेलियन येथे झालेल्या बैठकीत घेण्यात आला. या बैठकीत कायदेशीर बाबींसाठी वकीलांचे आणि आरोग्य विषयक सुरक्षिततेसाठी डॉक्टरांचे मार्गदर्शन घेण्यात आले.

हेही वाचा- विद्यार्थ्यांनो काळजी करू नका ; परीक्षा पुन्हा होतील

वेटरांना फेस शिल्ड आणि हॉटेल चे दर तीन तासांनी सॅनी टायझशन करायचे, दिवसातून तीन वेळा कर्मचाऱ्यांची ताप आणि ऑक्सीजन लेवल तपासणी गरजेची असल्याचे डॉक्टर कपाले यांनी सांगितले.या बैठकीस उज्वल नागेशकर, सचिन शानबाग ,आशिष रायबागे, मोहन पाटील, अरुण चोपदार तसेच शहरातील अनेक हॉटेल व्यवसायिक उपस्थित होते.

संपादन - अर्चना बनगे