Ambabai Temple Kolhapur : करवीरनिवासिनी अंबाबाई मंदिरात ओवरीतून उलगडला पुरातन ठेवा; महादेव पिंड, नंदीसह देव-देवतांच्या मूर्तींचे झाले दर्शन

कोल्हापूर : करवीरनिवासिनी श्री अंबाबाई मंदिराचे मूळ स्वरूप उजेडात आणण्याचे काम सुरू असतानाच आता मंदिरातील एक ओवरी खुली झाली (Ambabai Temple restoration work in Kolhapur) आहे. मंदिर विकास आराखड्यांतर्गत सुरू असलेल्या कामात तुळजाभवानी मंदिराशेजारील एक ओवरी खुली केली असून, यात पुरातन महादेवाची पिंड, नंदी आणि इतर देवदेवतांच्या मूर्तींचे दर्शन झाले आहे. या शोधामुळे मंदिराच्या ऐतिहासिक ठेव्यात मोलाची भर पडली आहे.