कोल्हापूर : कोल्हापूर जिल्ह्यातील हातकणंगले तालुक्यातील किणी गावात एक हृदयद्रावक घटना घडली आहे. बसमधून प्रवास करताना एका अल्पवयीन मुलाकडून होणाऱ्या वारंवार त्रासाला कंटाळून महाविद्यालयीन तरुणीने (College Girl Harassment) गळफास घेऊन आत्महत्या केली. या घटनेमुळे गावासह संपूर्ण परिसरात हळहळ व्यक्त होत असून ग्रामस्थांनी कॅन्डल मार्च काढून पीडितेला श्रद्धांजली वाहिली आणि न्याय मिळवून देण्याची मागणी केली.