Kolhapur District Bank loan scheme : कोल्हापूर जिल्हा बँकेकडून लाडक्या बहिणींना ५० हजार कर्ज, काय आहे ‘ताराराणी महिला सक्षमीकरण योजना’?

Tararani Mahila Sakshamikaran Yojana : कोल्हापूर जिल्हा सहकारी मध्यवर्ती सहकारी बँकेतर्फे यापुढे लाडक्या बहिणींसाठी ५० हजार रुपये कर्जपुरवठा केला जाणार आहे. ‘ताराराणी महिला सक्षमीकरण योजने’अंतर्गत बँकेने ही कर्जमर्यादा वाढवून ५० हजार रुपये केली आहे. बँकेने आतापर्यंत १७ हजार महिलांना ५१ कोटी रुपये अर्थसहाय्याचे वाटप केले आहे. बँकेचे अध्यक्ष व वैद्यकीय शिक्षणमंत्री हसन मुश्रीफ यांच्या अध्यक्षतेखालील संचालक मंडळाच्या बैठकीत हा निर्णय झाला.