कुंडलिक पाटील
कुडित्रे : यंदा खरीप हंगामात डीएपी रासायनिक खताची तीव्र टंचाई निर्माण झाली आहे. जिल्ह्यात फक्त १ हजार ४३६ टन डीएपी शिल्लक आहे. चीनने संयुगांच्या (रेअर अर्थ) निर्यातबंदीपाठोपाठ डीएपी (डाय अमोनियम फॉस्फेट) या रासायनिक खताचा पुरवठाही बंद केला आहे. त्याचा थेट परिणाम भारतासह जागतिक खतपुरवठ्यावर झाला आहे. ऐन खरीप हंगामात शेतकऱ्यांना ‘डीएपी’ मिळवण्यासाठी अडचणी निर्माण झाल्या असून, काही भागांत वाढीव दराने खताची विक्री केली जात आहे.