Kolhapur Water Crisis: कोल्हापुरात पाणीबाणी, एकाच वेळी सर्व योजना बंद पडण्याची इतिहासात पहिलीच घटना; भोगावती, पंचगंगेच्या पातळीत मोठी घट

कोल्हापूर : भोगावती व पंचगंगा नदीची पाणीपातळी कमालीची घटल्याने शहराला पाणीपुरवठा करणाऱ्या बालिंगा, शिंगणापूर योजनाही आज पहाटे बंद पडल्या. त्यामुळे शहरात पाणीबाणी निर्माण झाली आहे. पातळीअभावी सर्व पाणीपुरवठा योजना एकाचवेळी बंद पडण्याची ही महापालिका इतिहासातील पहिलीच घटना आहे.