Kolhapur Ganeshotsav
esakal
कोल्हापूर : गणेशोत्सवाच्या मिरवणुकीत पारंपरिक वाद्यांचा नाद घुमला की, वातावरणात उत्साह संचारतो. या पारंपरिक ठेक्याला आता जेन झीच्या सहभागाची साथ मिळत आहे. ढोल पथकांपासून लेझीम, हलगी, झांज व अन्य पारंपरिक वाद्यांचा कडकडाट करण्यासाठी युवक-युवतींचा सहभाग वाढत आहे. अनेकजण मानधनाची अपेक्षा न ठेवता केवळ गणेशोत्सवाविषयीची आस्था, मित्रांचा समूह व कलेची आवड यामुळे उपक्रमांत सहभाग नोंदवत आहेत.
