Gokul Election Update : 'गोकुळ'च्या यादीतून ६२६ दूध संस्थांना डच्चू; ५ हजार ४७० पैकी ४ हजार ८४४ संस्थाच ठरल्या पात्र, नवी यादी जाहीर, आता कोणाचे बिघडणार गणित?

कोल्हापूर : न्यायालयीन लढाईनंतर अखेर गोकुळ दूध संघाच्या पंचवार्षिक निवडणुकीसाठीच्या मतदार यादीतून ६२६ संस्थांना डच्चू मिळाला. ५ हजार ४७० पैकी ४ हजार ८४४ संस्था पात्र ठरल्या आहेत. सहाय्यक निबंधक (दुग्ध) कृष्णा ठाकरे यांनी ही यादी जाहीर (Gokul dairy cooperative election latest news) केली. गेली दोन-तीन महिने सुरू असलेल्या सावळ्यागोंधळावर अखेर पडदा पडला. आता सहाय्यक निबंधकांकडील सर्व सुनावण्या आणि निर्णयाची प्रक्रिया संपली असल्याचे जाहीर केले.