Kolhapur Heatwave Alert : कोल्हापूर ४० पार, हवामान विभागाचा अंदाज आला, उष्णतेच्या लाटेचा ‘येलो अलर्ट’

Yellow alert Kolhapur weather : एप्रिलच्या मध्यावर जिल्ह्यात उन्हाची तीव्रता वाढू लागली आहे. आज दिवसभरात कमाल तापमान ३९ अंश सेल्सिअसपर्यंत पोहोचले. कोल्हापूरकरांना उन्हाचा तडाखा बसला. सकाळी आठ वाजल्यापासून तापमानात वाढ होऊ लागली. तासागणिक त्यामध्ये वाढ होत गेली. दुपारी बारा ते चार या कालावधीत वातावरण सर्वाधिक उष्ण राहिले. यावेळेत कडक उन्हामुळे रस्त्यांवरील वर्दळ कमी दिसून आली.