Kolhapur Accident : पुणे-बंगळूर राष्ट्रीय महामार्गावरील मंगरायाचीवाडी (ता. हातकणंगले) येथीर फाट्याजवळ पोलिस भरतीच्या सरावासाठी निघालेल्या युवकाचा ट्रकच्या चाकाखाली येऊन दुर्दैवी मृत्यू झाला. ही दुर्घटना आज पहाटे पावणेसहा वाजण्याच्या सुमारास घडली. सुशांत सुरेश पोवार (वय २३, रा. किणी, ता. हातकणंगले) असे त्याचे नाव आहे. या अपघाताची नोंद कोल्हापूर येथील शासकीय रुग्णालयातील पोलिस चौकीत झाली आहे.