Bribery Case Police : फसवणुकीचा गुन्हा दाखल न करण्यासाठी मागितली ७ लाखांची लाच, खाकीला बदनाम करणाऱ्या शेख, कांबळेचा रुबाब उतरला

Kolhapur Police Bribery Case : फसवणुकीचा गुन्हा दाखल न करण्यासाठी सहाय्यक पोलिस निरीक्षकांच्या सांगण्यावरून सात लाखांची लाच मागणाऱ्या गोकुळ शिरगाव पोलिस ठाण्यातील दोन पोलिसांवर आज गुन्हा दाखल झाला. एजाज महंमद शेख (पोलिस शिपाई, ब.नं. १५४१, रा. करनूर ता. कागल) आणि नीतेश मारुती कांबळे (पोलिस हेड कॉन्स्टेबल, ब.नं. १७४८, रा. दऱ्याचे वडगाव ता. करवीर) अशी त्यांची नावे आहेत. या दोघांवर भ्रष्टाचार प्रतिबंधक अधिनियमानुसार गुन्हा दाखल करण्यात आल्याची माहिती लाचलुचपत प्रतिबंधक विभागाच्या उपअधीक्षक वैष्णवी पाटील यांनी दिली.