Kolhapuri Jaggery Crisis : कोल्हापुरी गुळाचा ब्रँड धोक्यात? गुऱ्हाळघरे बंद पडण्याच्या मार्गावर; एका आदणावर शेतकऱ्याला होतोय तब्बल 2 हजार रुपयांचा तोटा

प्रयागचिखली (जि. कोल्हापूर) : गावाची आर्थिक वाहिनी व पारंपरिक व्यवसाय मानली जाणारी गुऱ्हाळघरे सध्या गंभीर समस्यांच्या गर्तेत सापडली (Kolhapur jaggery industry) आहेत. कोल्हापुरी गूळ हा जगप्रसिद्ध ब्रँड झाला असला, तरी किमान आधारभूत किंमत (एमएसपी) नसल्याने व वाढत्या उत्पादन खर्चामुळे गूळ उत्पादक शेतकरी आता साखरेकडे वळत आहेत. प्रत्येक ‘आदणास’ मालकाला सुमारे २,००० रुपयांचा तोटा सहन करावा लागत आहे. त्यामुळे शासनाने या उद्योगाकडे व्यावसायिक दृष्टिकोनातून तातडीने लक्ष न दिल्यास, येणाऱ्या पिढीला ‘इथे एकेकाळी गुऱ्हाळघरे होती’, असे सांगण्याची वेळ येईल, अशी भीती व्यक्त केली जात आहे.