Sakal Global Flower Festival in Kolhapur
esakal
कोल्हापूर : ‘भावा, किती रंगांची ही फुलं! फोटो कुठं कुठं काढायचं? फुलांचा महोत्सव नादच खुळा! डोळ्यांचं पारणंच फिटलं. पुस्तकातलं विज्ञान इथं प्रत्यक्ष बघायला मिळालं. आता घरात पण अशीच फुलं फुलवायची’, अशा प्रतिक्रिया व्यक्त करत विद्यार्थ्यांची मने आज प्रदर्शनात (Global Flower Festival Kolhapur news) रमली. निमित्त होते ‘सकाळ ग्लोबल फ्लॉवर फेस्टिव्हल’चे. दरम्यान, फुलांचे रंग, सुगंध अन् विविधता अनुभवतानाच वनस्पतींची माहिती, विज्ञानाची गोडी व पर्यावरण जपण्याचा संदेश देणारे प्रदर्शन विद्यार्थ्यांसाठी निसर्गाची शाळा ठरले.
