बेळगाव : कोरोनाच्या संकटामुळे मास्कला मागणी वाढल्याने अनेकांना मास्कच्या माध्यमातून रोजगार उपलब्ध होऊ लागला आहे. त्यामुळे गल्लोगल्ली मास्क विक्रेते दृष्टीस पडू आहेत. 20 रुपयांपासून मास्कची विक्री केली जात असून बाजारातील अनेक दुकाने रंगीबेरंगी मास्कनी सजली आहेत. तसेच अनेकांसाठी मास्क तयार करणे हा गृह उद्योग बनला आहे. त्यामुळे शहरातील अनेक घरात महिला मास्क तयार करताना दिसून येत आहेत.
मार्च महिन्यापर्यंत लॅब, रूग्णालय, स्वच्छता कर्मचारी आदी लोकांपर्यंत मर्यादित असणारा मास्क गेल्या काही दिवसांपासून सर्वांच्या परीचयाचा बनला आहे. त्यामुळेच काही महिन्यांपूर्वी फक्‍त मेडीकलच्या दुकानात मिळणाऱ्या मास्कची मागणी मोठ्‌या प्रमाणात वाढली आहे. कोरोनापासून बचावासाठी मास्क वापरने गरजेचे बनले असून सर्रास नागरीक मास्कचा वापर करु लागले आहेत. त्यामुळे सध्या मास्क बाजारात मोठया प्रमाणात विक्रीसाठी उपलब्ध झाले आहेत. मास्कला मागणी वाढल्याने घरात शिवणकाम करणाऱ्या व्यावसाईकांनी मास्क तयार करण्यास सुरुवात केली आहे. त्यामुळे लॉकडाऊन काळात कपडे शिवून घेणाऱ्यांची संख्या कमी झाली असली तरी मास्कच्या माध्यमातून अनेकांना रोजगार मिळत आहे. त्यामुळे शहरातील अनेकांनी घरात मास्क तयार करण्यास सुरुवात केली आहे.
हे पण वाचा - कोरोना बरा होतो ; पण...
कोरोना संकटामुळे इतर वस्तुंची विक्री करणाऱ्या लोकांपेक्षा मास्कची विक्री करणाऱ्या दुकांनामध्ये गर्दी वाढली असून अनेक मोठ्‌या कापड दुकांनदारांनीही मास्कची विक्री करण्यास सुरुवात केली आहे. कोविड 19 पासून बचावासाठी एन 95 मास्क वापरणे गरजेचे आहे. मात्र एन 95 मास्कची किंमत 250 रुपयांपर्यंत आहे. त्यामुळे जास्त किंमतीचा मास्क सर्वांना खरेदी करता येत नाही. त्यामुळे अनेकजण कमी किंमतीत उपलब्ध असलेला मास्क वापरण्यास प्राधान्य देत आहेत. त्यामुळे अनेकजण कॉटनच्या कपड्‌याचा वापर करुन तयार करण्यात आलेला मास्क वापरत असल्याचे दिसून येत आहे.
लॉकडाऊन सुरु झाल्यापासून मास्कची विक्री करीत आहे. पहिल्या दिवसापासूनच मास्कला चांगली मागणी आहे. 20 रुपये ते 300 रुपयांपर्यंत मास्क उपलब्ध असून हॅंण्डग्लोजची मागणीही होत आहे. त्यामुळे मास्कबरोबरच हॅंण्डग्लोजही विक्रीसाठी उपलब्ध करुन दिले आहेत. कोरोनाचे संकट दूर होईपर्यंत मास्कला मागणी राहिल असे वाटते.
-विनायक सिध्दण्णावर, मास्क विक्रेता
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.