Gokul Dudh Sangh : अडीच लाख लिटरने वाढले 'गोकुळ'चे दूध संकलन; तब्बल 18 लाख लिटर दूध संकलनाचा टप्पा पार

कोल्हापूर जिल्हा सहकारी दूध उत्पादक (गोकुळ) दूध संघाकडून दूध खरेदी दराला सर्वाधिक दर दिला जात आहे.
Gokul Dudh Sangh
Gokul Dudh Sanghesakal
Summary

गोकुळच्या गाय दूध उत्पादकांना शासनाने ठरवून दिलेल्या किमान दरापेक्षा सहा रुपये जादा दर दिला जात आहे.

कोल्हापूर : जिल्हा सहकारी दूध उत्पादक (गोकुळ) दूध संघाकडून दूध खरेदी दराला सर्वाधिक दर दिला जात आहे. जातिवंत म्हशीसाठी तीस हजारांवरून चाळीस हजार रुपयांचे दिले जाणारे अनुदान आणि गोकुळ (Gokul Dudh Sangh) श्री पुरस्काराची रक्कम एक लाख रुपये केल्यामुळे गोकुळकडे दूध संकलन वाढत आहे. गेल्या वर्षीच्या तुलनेत यावर्षी गोकुळचे दूध संकलन अडीच लाख लिटरने वाढले आहे.

गोकुळने सध्या १८ लाख लिटर दूध संकलनाचा टप्पा पार केला आहे. गोकुळकडून २०२३-२४ मध्ये म्हैस दूध (Buffalo Milk) खरेदीसाठी प्रतिलिटर सरासरी ५८ रुपये ५४ पैसे व गाय दुधासाठी प्रतिलिटर सरासरी ३८ रुपये ३७ पैसे (जादा दर व दरफरक सहित) दर दिला आहे. हा दर राज्यातील सर्वाधिक दर मानला जात आहे. गोकुळच्या गाय दूध उत्पादकांना शासनाने ठरवून दिलेल्या किमान दरापेक्षा सहा रुपये जादा दर दिला जात आहे.

Gokul Dudh Sangh
गुप्तधनासाठी घरात खड्डा खोदला, मांत्रिकाला बोलवलं अन् नरबळी..? कौलवमधील थरारक प्रकाराने पंचक्रोशी हादरली

जिल्ह्यात दररोज सुमारे सहा लाख पाच हजार लिटर गायीचे दूध संकलित होते. त्यानुसार दिवसाला ३९ लाख रुपये, तर महिन्याला ११ कोटी ७० लाख रुपये जिल्ह्यातील दूध उत्पादकांना दिले जात आहेत. याचबरोबर राज्य शासनाकडून पाच रुपये गाय दूध अनुदान दिले जात आहे. गोकुळचा दूध उत्पादक शासनाचे अनुदान म्हणून १४ कोटी ५८ लाख रुपये मंजूर झाले आहेत. हे अनुदान उत्पादकांच्या बँक खात्यावर जमा झाले आहे. सभासद हिताच्या राबविलेल्या विविध योजना राबवत उत्पादकांना राज्यातील सर्वाधिक दर देणे शक्य झाल्याचे चित्र आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com