कोल्हापूर - सध्या कोल्हापूर जिल्हा मध्यवर्ती बॅंकेच्या अध्यक्ष, उपाध्यक्ष पदांच्या निवडी संदर्भात नेत्यांच्या चर्चा सुरु आहेत. या पदांची निवडी या आज दुपारी तीन वाजता होणार असल्याची माहिती खासदार संजय मंडलिक यांनी दिली आहे. आम्ही पक्षाच्या आदेशाप्रमाणे तीन वाजता निर्णय घेऊ अशी प्रतिक्रिया त्यांनी दिली आहे. निवडून आलेले उमेदवारांसह शिवसेनेच्या निवेदिता माने, मंत्री राजेंद्र पाटील-यड्रावकर हेही पक्षाच्या आदेशाप्रमाणे आम्ही एकत्र आहोत असा संदेश दिला असल्याचे त्यांनी सांगितले आहे.
अध्यक्ष किंवा उपाध्यक्ष पदावर शिवसेनेचा दावा असणार आहे का या प्रश्नावर ते म्हणाले, तीन वाजेपर्यंत वरिष्ठांकडून जो आदेश येईल त्या पद्धतीने निर्णय होणार आहे. आमचे संख्याबळ तेवढे नाही संख्याबळाच्या आधारावर पाहिले तर आम्ही पाच लोक आहोत. परंतु जिल्हा बँकेचे अध्यक्ष किंवा उपाध्यक्ष होण्यासाठी किमान १२ ते १३ सदस्यांची गरज असते. असे असले तरी सध्याच्या घडीला मात्र पक्षाच्या आदेशाप्रमाणे आणि निर्णय घेत आहोत, असे त्यांनी स्पष्ट केले आहे.
सत्ताधारी गटाच्या संचालक निवेदिता माने (Nivedita mane) व आरोग्य राज्य मंत्री राजेंद्र पाटील यड्रावकर असलेल्या सध्या आमच्यासोबत आहेत. केवळ सन्मान आणि स्वाभिमानासाठी आम्ही ही निवडणूक लढवली आहे. पक्षाचे वरिष्ठ जो आदेश देतील त्यापद्धतीने निर्णय घेतला जाईल. आदेशानंतर निर्णय घेणे ही शिवसनेची पद्धत आहे, त्या निर्णयाची वाट पाहत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
