Hasan Mushrif celebrates NCP’s major victory
sakal
कोल्हापूर : उमेदवार निवड, तालुका पातळीवर विविध आघाड्यांची सोबत, प्रचार अशा सर्वच पातळीवरील वैद्यकीय शिक्षणमंत्री हसन मुश्रीफ यांच्या मुत्सद्देगिरीने जिल्हा परिषद निवडणुकीत वीस जागा जिंकत राष्ट्रवादी काँग्रेस पक्ष जिल्ह्यात भारी ठरला. दिवंगत उपमुख्यमंत्री अजित पवार यांच्या अपघाती निधनामुळे निर्माण झालेल्या सहानुभूतीनेही पक्षाची ताकद वाढविली. त्याच्या जोरावर पक्षाने अपेक्षित यशाची ‘वेळ’ साधली. मंत्री मुश्रीफ यांची जिल्हा परिषदेचा अध्यक्ष राष्ट्रवादी काँग्रेसचा करण्याची अनेक वर्षांची इच्छाही या यशाने पूर्णत्वास येणार आहे.
