धक्कादायक - पुन्हा त्याच ठिकाणी सापडले स्त्री जातीचे अर्भक  

हुपरी : रेंदाळ (ता. हातकणंगले) येथील भगतसिंग रोडवरील त्रिमूर्ती चौका शेजारील एका ओढ्यात स्त्री जातीचे अर्भक मृतावस्थेत आढळून आले. आज दुपारी हा प्रकार उघडकीस आला. अशा प्रकारची या आठवड्यातील ही दुसरी घटना आहे. चार दिवसांपूर्वी याच ठिकाणी हिंस्त्र प्राण्यांनी लचके तोडलेले पुरूष जातीचे एक अर्भक आढळून आले होते. 

एकाच ठिकाणी मृतावस्थेतील दोन अर्भक आढळून आल्याने रेंदाळ परिसरात खळबळ उडाली असून अर्भक टाकणाऱ्याविरोधात संतप्त प्रतिक्रिया व्यक्त होत आहेत. या क्रूर आणि निर्दयी घटनांचा पोलिसांनी छडा लावण्याची मागणी होत आहे. 

रेंदाळ येथे भगतसिंग रोड लगत ग्राम पंचायतीतर्फे जेसीबीच्या सहाय्याने गटरचे काम सुरू आहे. त्यावेळी जेसीबी चालकास ओढ्यात अर्भक दिसून आले. हा प्रकार समजताच घटनास्थळी बघ्यांनी गर्दी केली होती. 

हे पण वाचा - Video - धक्कादायक; 40 किलोमिटरचा प्रवास नागासोबत, अंगावर शहारे आणणारी घटना