Radhanagari Dam : राधानगरी धरणाचे सर्व स्वयंचलित दरवाजे बंद; कोल्हापूरवरील पुराचा धोका टळला, १,४०० क्यूसेक विसर्ग कायम

Radhanagari Dam Gates Closed : (राजू पाटील) : राधानगरी धरणाच्या पाणलोट क्षेत्रात सलग दोन दिवस झालेल्या अतिवृष्टीमुळे उघडलेले आणखी तीन स्वयंचलित दरवाजे मंगळवारी (ता. ०४) मध्यरात्रीनंतर टप्प्याटप्प्याने बंद झाले. सध्या धरणातून केवळ वीजनिर्मितीसाठी पायथ्याच्या वीजगृहातून १ हजार ४०० क्यूसेक पाण्याचा विसर्ग सुरू आहे. त्यामुळे भोगावती नदीवरील पूरस्थिती हळूहळू ओसरण्याची शक्यता व्यक्त केली जात आहे.