कोल्हापूर : कोल्हापूरचे वैभव असलेल्या ऐतिहासिक रंकाळा तलाव काठाच्या पदपथावर सेल्फी पॉइंट साकारला आहे. नगरसेवक व कॉंग्रेसचे गटनेते शारंगधर देशमुख यांच्या संकल्पनेतून पदपथावर लक्षवेधी व आकर्षक असा सेल्फी पॉइंट करण्यात आला आहे. दोन दिवसांपासून येथे तरुण-तरुणींची सेल्फीसाठी गर्दी होत आहे.
काही वर्षांत रंकाळा पदपथाची दुरवस्था झाली होती. ठिकठिकाणी पदपथ उखडल्याने रंकाळ्यावर दररोज मॉर्निंग वॉकसाठी येणाऱ्या लोकांची कुचंबणा होत होती. पदपथाच्या दुरुस्तीसाठी सुमारे 88 लाख रुपये मंजूर झाले होते. त्यातून दुरुस्ती करून पेव्हिंग ब्लॉक टाकले जात आहेत. रंकाळा परताळ्यानजीक पूर्वी ज्या ठिकाणी अर्ध वर्तुळाकार लोखंडी पूल होता, तो काढून त्या ठिकाणी नव्याने पदपथ बांधण्यात आला. पूर्ण वर्तुळाकार सेल्फी पॉइंट तयार केला आहे. इंग्रजीत कोल्हापूर अक्षरे लिहून संपूर्ण रंकाळा दिसेल, असा सेल्फी पॉइंट बनविला आहे. या ठिकाणी पदपथावर विविध आकारांतील सुंदर डिझाईनचे पेव्हिंग ब्लॉक बसविले आहेत. लक्षवेधी व आकर्षक सेल्फी पॉइंट झाल्याने येथे तरुण-तरुणींची
सेल्फीसाठी गर्दी होत आहे. व्यावसायिक फोटोग्राफरला घेऊन अनेकजण रंकाळा काठावर आपले विविध पोझमध्ये फोटो काढत आहेत.
दोन वर्षांपासून रंकाळ्याचे रूप बदलू लागले आहे. विविध विकासकामांद्वारे रंकाळ्याचे सुशोभीकरण केले जात आहे.
रंकाळा हे ऐतिहासिक ठिकाण आहे. रंकाळा परिसर पर्यटन केंद्र बनवण्याच्या दृष्टीने विविध विकासकामे पूर्ण केली जात आहेत.
-शारंगधर देशमुख, नगरसेवक.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.