महाविकास आघाडी सरकारने ओबीसी समाजाचा आतापर्यंत केवळ मतांसाठीच वापर केला आहे.
कागल : ‘पंतप्रधान नरेंद्र मोदी (Narendra Modi) यांच्या नेतृत्वाखालील भाजप सरकारने गेल्या नऊ वर्षांपासून देशाच्या सामाजिक, शैक्षणिक, आर्थिक, क्रीडा, वैद्यकीय अशा सर्वच क्षेत्रात दैदिप्यमान कामगिरी केलेली आहे. सध्याचा काळ भाजपासाठी सुवर्णकाळ आहे.
हे पहाता येत्या काळात सर्वच निवडणुकांमध्ये कोल्हापूर जिल्ह्यात भाजपाचा झेंडा फडकाविण्यासाठी कार्यकर्त्यांनी सज्ज राहावे. भाजपाचे जिल्हाध्यक्ष समरजितसिंह घाटगे (Samarjitsingh Ghatge) हेच कागलचे पुढील आमदार असतील. मी त्यांच्या पाठीशी ठामपणे उभा राहणार असल्याचे प्रतिपादन खासदार धनंजय महाडिक यांनी केले.
येथील श्रीराम मंदिरमधील सभागृहात भाजपाच्या वतीने पंतप्रधान नरेंद्र मोदी यांचा नऊ वर्ष कार्यकाल पूर्ण झाल्याबद्दल आयोजित संयुक्त मोर्चा संमेलनावेळी ते बोलत होते.
खासदार महाडिक (Dhananjaya Mahadik) म्हणाले, ‘केंद्रात व राज्यात भाजपचे सरकार आहे. विकासकामांसाठी मोठ्या प्रमाणात निधी उपलब्ध होत आहे. सर्वसामान्यांपर्यंत शासनाच्या योजनांचा लाभ देण्यासाठी ध्यास घेतलेल्या समरजितसिंह घाटगे यांना आमदार करुनच या अभियानाची यशस्वीपणे सांगता करुया.’
समरजितसिंह घाटगे म्हणाले, ‘पंतप्रधान मोदी यांच्यामुळे देशाची प्रतिमा जागतिक पातळीवर उंचावली आहे. समाजातील सर्व थरातील नागरिकांसाठी विकासाच्या योजना प्रभावीपणे राबविल्या आहेत. विशेषतः साखर कारखानदारीला त्यांच्यामुळे नवसंजीवनी मिळाली आहे. केंद्र व राज्य सरकारच्या गतिमान योजना व लोकहिताची निर्णय तळागाळातील लोकांपर्यंत भाजपचे कार्यकर्त्यांनी पोहोचवावेत.
महाविकास आघाडी सरकारने ओबीसी समाजाचा आतापर्यंत केवळ मतांसाठीच वापर केला आहे. त्यांच्या आरक्षणासाठी कोर्टाने दिलेल्या आदेशानुसार इंपिरीकल डेटा गोळा करण्याकडे त्यांनी दुर्लक्ष केले. मात्र भाजप-शिवसेनेचे सरकार सत्तेवर येताच कोर्टाच्या आदेशानुसार इंपिरीकल डेटा गोळा करून कोर्टात सादर केला.’
स्वागत अमोल शिवई यांनी केले. प्रास्ताविक डॉ.आनंद गुरव यांनी केले. आभार बाळासाहेब जाधव यांनी मानले.यावेळी तालुकाध्यक्ष संजय पाटील, विजया निंबाळकर, सुधा कदम, रेवती बरकाळे आदींसह भाजप पदाधिकारी उपस्थित होते.
यावेळी खासदार महाडिक यांनी कागलमध्ये विधानसभेसाठी हाय व्होल्टेज मोठी लढत होईल. ही लढत मोठी वाटत असली तरी सोपी होणार आहे. मात्र ती कशी हे आपण आत्ताच सांगणार नाही, असे सूचक वक्तव्य केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
