कोल्हापूर : उन्हाचा तडाखा वाढत असल्याने जिल्ह्यातील सर्व शाळा सोमवार (१५) पासून सकाळी भरणार आहेत. सकाळी ७ ते दुपारी १२ अशी शाळेची वेळ असेल. याबाबत राज्य शासनाने आज परिपत्रक काढले. जिल्हा माध्यमिक शिक्षण अधिकाऱ्यांनी याबाबतची सूचना सर्व शाळांना दिली आहे.
शासनाच्या परिपत्रकातील माहितीनुसार, राज्यातील तापमान वाढू लागले आहे. उन्हाचा तडाखा वाढत असल्याने राज्यातील सर्व शाळा सकाळी भरवाव्यात, अशी मागणी शिक्षक संघटनांनी केली होती. त्यानंतर शासनाने सकाळी शाळा भरवण्याचा निर्णय घेतला आहे. दहावी आणि बारावीच्या परीक्षा एप्रिलच्या शेवटच्या आठवड्यात होणार आहेत. त्यांचा अभ्यासक्रम शंभर टक्के पूर्ण करणे अनिवार्य आहे. पाचवी ते अकरावीपर्यंतचा अभ्यासक्रमही पूर्ण करणे अनिवार्य आहे. त्यामुळे शाळेचा कालावधी स्थानिक परिस्थिती पाहून कमी करणे किंवा वाढवण्यास हरकत नाही, असेही परिपत्रकात म्हटले आहे.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.